|
SubscriptionsSites I Read
|
|
|
|
| 還剩下3個月咋
所有野都進行得如火如荼, 11月6日confirm W hotel, 跟住開始叫人來我地的婚禮, 11月中見拍片及攝影師, 新娘妝都試埋, 婚紗又揀埋, 上個星期日俾埋錢訂花球, 手花, 襟花, 仲有好抵的晚裝, 大範野都七七八八
好佩服自己及神神, 決定快, 大家心意又一致, 所以好多野都無用好多時間揀揀揀。
可能我真係懶又怕煩, 所以唔想用太多時間係一件事上兜兜轉轉, 太多選擇反而唔識揀
最令人有d遺憾ge係, 伴娘同伴郎都先後做唔到, 真係黑仔, 約班姊妹做衫又約唔齊一班人去, 感覺有點不開心
酒店果度又使多左好多, 一路都好擔心夠唔夠錢找數, 唉, 時不時都會後悔自己做咩搞咁多野, 最奇怪係, 我名媽同神神屋企人都唔想我地搞大, 最好就係旅行結婚, 我心裡一直都因為咁唔舒服, 好似雙方家人都唔太為我地結婚ge事而雀躍
唔通真係要鬼鬼祟祟地嫁出去咩, 我唔製架, 一世人得呢次做主角, 我要所有人都知, 要熱熱鬧鬧。
仲有3個月, 好多禮節都唔清楚, 仲有好多野煩, 唔知有無人可以幫下我地呢
希望明天中六合彩, 哈哈哈 | | |
| 10月, 嘩一聲就過去喇 先是, 10月頭陸續收到婚紗相, 興奮到不得了, 我們都很雀躍地給意見呢 澳門的一輯, 坦白說只算合格, 不是我們的表現, 而是.......攝影師拍不出我們想要的, 無論角度, 技巧都未夠成熟, 最令人不快的, 她十分喜歡影遠景, 雖則做到 "人景合一" "情景相容", 不過最大問題是.....看不到我們的臉, 很多張相都拍不到我們的正面, 唉........ 明白了解, 我們即使有少少失望, 不過不會不開心, 始終別人有出過力呀!!! 香港LEO就能拍出我們心中想要的, 哈哈哈, 果然不負所望!! 這個月, 我們都在努力揀相 10月6 日, 中午我要飛了 我這個人, 雖沒什麼大運, 但點都有D出國運, 由大學時去美國DISNEY, 出來工作後, 又有機會去德國及意大利公幹, 今年剛剛轉新公司, 即刻就有得去德國喇, 仲有時間去遊山玩水tim, 查實我真係無咩才能, 就係唔知點解咁好命, 每次去歐洲都唔使自己出機票。之但係, 我當然最想的, 是和自己喜歡的人遊歐洲啦。我等緊你啊!!!! Frankfurt and Munich...幸好有朋友仔照顧下, 我真係事前無咩準備同常識底下去的, 如果我自己一個, 一定唔知係邊到迷失左, 真係要多謝妳啊!!! 想不到, 這一年, 這一個月, 在這一地方, 一起遊玩! 旅途中, 同我阿姐一齊玩了一天, 幸好沒出什麼狀況, 平平安安回香港 在工作上, 沒學到什麼回來, 這個三天的會議真係一d都唔重要, 下次唔使再叫我去喇 這9天, 是一個難得的假期啊! 可是, 又苦了你, 知道你又OT到零晨, 真是心痛死了 這一次, 平安如期回到香港, 你不用擔心啦! 輕鬆完, 又回原有軌道, 忙忙忙, 繼續跟著這超級麻煩的女上司, 不但幫不上忙, 還影響著我的工作進度, 勁討厭!!! 10月尾, 做工作評估, 嘩嘩嘩....係嘩嘩嘩聲想嬲又想喊 頂頂頂, 麻煩女上司話我工作態度不好, 做野慢, 成日過哂deadline, 要好好改善, 其實依d我知呀, 我太容易把不滿擺上面, 太愚蠢喇, 我一定會改, 更何況, 再有什麼不滿, 被佢知道, 佢都唔會醒目反省下, 更加無能力去改變 我而家心態係無火呀, 係唔想去搏, 但凡隱隱陣陣, 每日準時收工, 咁有問題咩, 我又唔係sales, 請問我做呢個位要搏咩呢, 佢唔製造麻煩要我去執手尾已經好好 我d野成日過哂deadline, 佢知點解格, 做一件事, 幾十人俾意見, 佢自己都成日轉意見啦, 我負責做ge都做到慶哂, 浪費哂我d時間 日日都打天才波, 你既然都lead唔到我, 點解仲要做我ge manager? 快d早抖啦 仲話好多同事都不滿我工作進度, 將我同maggie比較 (同team同事)我真係好驚訝, 係真唔係呀, 當時聽到個心真係嬲嬲地, 從未聽過咁ge評語, 我比佢做得慢d, 無咁熟手, 你知點解格, 我都唔係做marketing出身ge, 你咁亂, 我仲坐係到做, 幫你手, 算你執到啦 唉, 我自己都有唔著的地方, 實在唔識包裝自己, 太坦白 ok, 我會好好反省, 有幾多料, 遲早見真章! 燥燥地...... 唔開心左2日, 日子都係要過, 工作都係要做.........每天都唔想番工.....唉, 點算 11月, 希望讓我好過點......工作上.........仲有, 要快d book到wedding buffet的地方!!!! | | |
| 在匆匆忙忙, 熱熱鬧鬧, 開開心心中, 影完了婚紗相 我們真是十級的幸運 香港及澳門兩天都沒下雨, 有少少陽光加秋風, 爽啊!! 第一次做主角, 有這麼多人圍著我影相, 感覺很特別, 希望拍出來的效果很好啦, 最重要是拍得我漂漂亮亮的, 哈哈! 這幾天都有你的悉心照顧, 感覺很sweet 你沒有因為天氣熱, 事情繁瑣而發脾氣, 還在大家都很疲倦時仍很用心安排一切及照顧傻頭傻腦的我, 哈哈, 滿是感謝!! 更覺你非常可靠呢!! 在香港, 最搞笑的是在東霸拍攝期間, 有3個老童軍走過來訪問我們, 問題不重要, 最觸動我的是他們祝福我們的一句:"希望你們能像身後風景一樣, 愛到海枯石爛!" 回頭望望, 心頭為之一震! 好應景呀! 在烏溪沙, 幸好我們早到, 可以霸了整條橋, 還可以有超美的日落景, 要暈了!! 可能上午在東霸用了太多時間, 晚上在果欄拍照的時間便縮短了, 其實自己都很累, 幸好夜景style都係cool cool地, 所以不用笑啊 我們相信攝影師一定可以拍到最美的我們!! 完成第一天的拍攝, 很晚才上床睡覺, 接著第二天便趕往澳門喇! 入住悅蓉莊, 很正很正, 我們第一次拍住拖住酒店, 哈哈, 心情好興奮! 雖然上午是匆忙了點, 令大家有點不快, 不過, 很快便整頓好心情, 開開心心出發了, yeah!!! 澳門來了很多次, 每一次, 都發現它變了很多, 變成一個我不認識, 不喜歡的地方。然而, 這裡是我們開始的地方, 是值得來一趟, 拍個照的! 用了點人情, 得到effy的幫忙, 請了她的朋友heather及iris一組人來幫我們拍照, 價錢當然超值啦! 天有點陰, 但整日都沒下雨, 我們是超級幸運喇 她們都很準時到達酒店, 很專業! 在酒店房影一輪, 原來我不懂開懷自然地笑, 努力了很多遍, 仍然是勉勉強強, 唉, 是否我已經有點累呢? 威尼斯, 只在外邊拍照, 比預期早了一點完, 之後去大利來豬扒包, 誰知道, 星期一休息, 唉, 只好在手信街附近拍啦, 出奇地效果也很好。哈哈, 粉紅色的牆, 很好, 像去了大澳呢 跟著便是我們必去, 不能miss的地方 ......主教山 在這裡, 我先穿上大拖尾, 跟著是從irus借來的古典婚莎, 其實是旗袍剪裁, 通花, 很美很美, 一眼便愛上, 哈哈 入夜, 拍下充滿澳門特色的街景, 還有禮記雪糕, 哈哈, 味道一段, 不過很有風味 其實我們的一身打扮在街上走來走去, 的確幾養眼, 惹人注意, 哈哈! yeah, 8點, 完成這次的 "壯舉"了! 累極, 但很開心, 一切都值得的, 令人回味的 2個人一同經歷, 比什麼都珍貴無比! | | |
| 現在我們的關係, 總算真正地穩定下來 即使時不時都會有一些爭吵, 但都沒大影響我們的感情, 容忍度大了, 體諒多了, 希望一直維持下去 之前還擔心會影響拍照的心情呢!!! 九月, 比想像中更忙 工作上忙著: SOGO roadshow, open day, project event...有3個星期日都要開工, 灰了 自己忙著: 所有影相前要準備的東西......有興奮, 有擔心 倒數差不多一個星期, 天空最近灰朦朦的, 像會下雨, 擔心要改期 大家都沒有足夠休息, 深怕沒精神拍照 060811, 買了結婚介指, 很開心, 這代表著永恆, 希望快點戴上 人生大事, 的確要費多幾倍時間及心機, 辛苦也沒所謂喇 18 - 20/09, 請給我晴朗的天 | | |
| 工作, 有說不盡的煩惱 半年已經叫自己努力挨下去, 滿足感欠奉, 還要和阿姐鬥力, 每天回到公司都想立即放工回家 是我的問題, 還是公司問題? 或是我阿姐的問題? 心情不斷被打擊, 我很厭倦了 9月會很忙, 工作很忙, 又到影結婚相的日子, 忙忙忙.............. 原本可以在貨櫃碼頭影相, 核不到最後被人reject了, 好夢成空, 一萬個不開心 現在轉了地點: 東壩 --> 烏溪沙 --> 油麻地果欄 完全不同了 無論如何不開心, 仍要快快收拾心情, 我們準備了那麼久, 放了很多心機, 不能有什麼影響這個日子的啊 我們一心一意為這日子, 希望一切順利!!! | | |
|
