難得一日放假, 我陪左老豆去睇腳, 右腳膝蓋腫左一大舊, 行路拐下拐下, 仲會痛, 就算幾唔想都要俾錢佢睇。 人心, 點解一講到錢就會變得咁冷血? 係我太孤寒, 定係我太憎佢, 所以佢有咩頭暈身興, 我就會覺得煩, 我阿媽都出聲話佢自己羅呢衰。

家人唔係應該相親相愛嗎? 點解我地對佢咁無情, 肉痛d錢多過佢個人? 我都唔再多講, 覺得俾錢醫佢係我ge責任, 即使佢仍然覺得我不孝, 無用我都無辦法。

好耐好耐無同佢出街, 平日係屋企, 我覺得佢的身型好大件, 好有霸氣, 點知出到外面, 突然覺得佢原來而家縮左水, 矮我半個頭, 個頭8成都係白髮, 眼睛睇野超差, 反應超慢, 腳力又唔好, 輪輪盡盡, 真係好懷疑佢平日一個人出遠行 (離開ma on shan area) 有幾危險, 原本已硬起心腸, 而家有少少同情佢。 在外對住d外人, 點解佢可以有咁多笑容, 對住我地點解可以咁兇, 判若兩人, 越睇越憎。

睇完腳, 大出血, 去atm羅錢, 佢突然係我耳邊細細聲叫我借多佢幾百旁身, 好噁心呀, 月中咋, 已經無哂錢, 我知我唔係俾好多你, 但點解每個月都係咁, 你知道醜所以咁細聲問, 咁你當初就唔好唔儲錢, 臨老得個吉啦, 如果你唔係有老婆仔女睇住, 而家一定仲折墮。

戶口都無咩錢, 今個月仲要去飲喜酒, 仆街lor。 點解出來做野4年, 一個錢都儲唔到, 屋企有咩事上來, 真係死路一條, 係呀, 3個一齊等死架喇, 我阿媽想死, 阿爸又咁憎我地, 我又無咩才能, 搵唔到錢, 又無人要, 依世都係咁窮架喇, 我想我會在適當時候結束依一切, 去出家? 定去死? 唔知, 等我做人做野做到厭先算啦……而家我心中仲有團火ge, 而且爸媽仲要我養嘛, 點可以咁快認輸?

見自己咩都無, 一大推缺憾, 仲點敢妄想有人肯要我呀, 讓我無風無浪咁過下半世就得喇

以前追求人生的闊度, 但而家發覺唔係每個人都有能力令生命變得更寬廣。

而且又發現, 恨一個人很辛苦, 但恨一個你不能恨的人就更加辛苦。 請給我多點包容及寬恕吧!!